«АТА-АНАЛАРДЫ ПЕДАГОГИКАЛЫҚ ҚОЛДАУ» ОРТАЛЫҒЫ ЖҰМЫСЫНЫҢ ТАНЫСТЫРЫЛЫМЫ МЕН АШЫҚ ЕСІК КҮНІ ӨТТІ

🔹 Ашық есік күніне келген ата-аналар мектеп ауласына орналасқан «Отан» ашық аспан астындағы мұражайға экскурсия жасап, «Оқуға құштар отбасы» ата-аналарға балалармен оқуға ұсынылатын кітаптар көрмесімен танысты.
🔹 Тәжірибелі педагогтер арасынан шығармашылық топ құрылып, 1-4-сынып оқушыларының ата-аналарына «Білімдіге дүние жарық. Танып білу қуанышы: сүйсініп оқу» тақырыбында сабақ өткізді.
🔹 Жеңгелер клубы аналарға «Мұны қыздар білуге тиіс...» интерактивті сабағын, әжелер кеңесі «Ертегі – танымның көзі» интерактивті сабағын ұйымдастырды.
🔹Сонымен қатар, ата-аналар назарына «Ұлттық құндылықтар-ұлт қазынасы» шеберлік сыныбы ұсынылды.
🔹Ал білім алушылардың аталары, әкелері мен ағалары балалармен қосылып, «9 ай-тоғыз іс-шара» жобасы аясында бір мезгілде «Бес асық», «Бес табан» ұлттық ойындарын ойнау республикалық челленджіне қатысты.
🔹 Ашық ескі күн қорытындысы ретінде мектеп әкімшілігі қамқоршылық кеңесі мен ата-аналар комитетіне «Ата-аналарды педагогикалық қолдау орталығы» кабинетінің таныстырылымын ұйымдастырды.
🔹 Бұл бағыттағы жұмыстар алдағы уақытта да жалғасын табатын болады.
Позитивті ата-ана мәдениетін қалыптастыру мен дамытуға бағытталған Орталық жұмысы оң нәтиже берері сөзсіз.